સૌ પ્રથમ બાસમતી ચોખા ને સરખી રીતે ધોઈ અડધો કલાક પલાળી રાખો.હવે એક તપેલી પાણી ઉમેરી તેમાં તજ,લવિંગ, ઈલાયચી,અને તમાલપત્ર નાખી પાણી ઉકાળો.પાણી ઉકળી જાય એટલે તેમાં ધોયેલા ચોખા નું પાણી કાઢી તપેલી મા ચોખા નાખો.ચોખા અધકચરા ચડી જાય એટલે તેનું પાણી નિતારી તેમાં ઠંડુ પાણી ઉમેરી તેને ડિશ માં ઠંડા કરવા મૂકી દો

શાકભાજીના મોટા ટુકડા કરી તેને ધોઈ લો. હવે એક બાઉલમાં દહીં લઈ તેમાં મીઠું મરચું હળદર ધાણાજીરું બિરયાની મસાલો ઉમેરી બરાબર મિક્સ કરી લો

બરાબર મસાલા મિક્સ થઇ જાય એટલે તેમાં ધોયેલા શાકભાજી ઉમેરો. અને શાકભાજીને દહીંમાં બરાબર મિક્સ કરી અડધો કલાક ઢાંકી ને મૂકી દો

હવે એક પેનમાં તેલ મૂકી તેમાં કાજુના ટુકડાને તળી લો. કાજુના ટુકડા તળાઈ જાય એટલે તેને કાઢી લો. હવે એ જ તેલમાં આદુ મરચાની પેસ્ટ ઉમેરી તેમાં તજ લવિંગ અને તમાલપત્ર નાખો. બધુ બરાબર સંતળાઈ જાય એટલે તેમાં દહીંમાં મિક્સ કરેલા શાકભાજી નાખી દો.અને જરૂર લાગે તો બધા મસાલા ફરી કરી દો.તેલ અને દહીંમાં શાકભાજીને અધકચરા ચડવા દો.

એક જાડા તળિયાવાળા વાસણમાં શાકભાજી ની લેયર કરો. હવે તેના પર ચોખા નું લેયર કરો.ચોખાની પર ઝીણા સમારેલાં કોથમીર ફુદીના પાથરો. તળેલા કાજુ ના ટુકડા પાથરો.કેસર વાળું દૂધ એક ચમચી ઉમેરો. આ પ્રક્રિયા ફરીથી કરો.

હવે તપેલી પર એલ્યુમિનિયમ ફોએલ ફીટ પાથરી દો અને તપેલી ને ધીમા તાપે ૧૦ મિનિટ મૂકી બિરયાની દમ આપો

હવે ગરમ ગરમ વેજ દમ બિરયાની ને રાયતા અને પાપડ સાથે સર્વ કરો