સૌપ્રથમ મગની દાળ ને ચારણી મા નાખી બધુ પાણી નિતરવા મૂકી દેવું. હવે લોટ બાંધવા માટે એક વાસણમાં લોટ, સ્વાદ મુજબ મીઠું, અજમો, મુઠ્ઠી પડતું તેલ નુ મોણ નાખી સરખી રીતે મિક્સ કરી લો. હવે જરુર મુજબ પાણી નાંખી પરોઠા જેવો લોટ બાંધી 30 મિનિટ લોટ ને વિસમવા દો.

હવે મગની દાળ ને મિક્સરમાં પાણી વગર અધકચરી ક્રશ કરી લો.હવે એક વાસણમાં તેલ ગરમ કરો તેમાં કચરેલા ધાણા અને વરીયાળી નાખી જરા સાંતળી તેમાં ચણાનો લોટ નાખી મિક્સ કરી લોટની સુગંધ આવે ત્યાં સુધી ધીમે તાપે શેકો.હવે તેમાં હળદર,મીઠું,લાલ મરચું પાઉડર, ધાણા જીરું,શેકેલા જીરાનો પાઉડર,ગરમ મસાલો,આમચૂર પાઉડર નાખી મિક્સ કરી ધીમે તાપે જરાક સાંતળો.હવે તેમાં ક્રશ કરેલી મગની દાળ નાખી સરખી રીતે મિક્સ કરી 5 મિનિટ ધીમે તાપે સાંતળો.હવે મિશ્રણ છુટુ પડે એટલે ગેસ બંધ કરી દો. હવે મિશ્રણ ઠંડુ પડે એટલે તેના નાના ગોળા બનાવી લો.

હવે લોટમાંથી મિડિયમ સાઈઝના લૂવા કરી તેની મિડિયમ સાઇઝની પૂરી વણી લઈ તેમાં મસાલો મૂકી કચોરી સીલ કરી હળવે હાથે 1-2 વાર કચોરી વણી લેવું.આ રીતે બધી કચોરી બનાવી લેવી.

હવે એક કઢાઈ માં તેલ ગરમ થવા મૂકો. તેલ થોડું ગરમ થાય એટલે તેમાં કચોરી નાખી ધીમે તાપે તળવી. કચોરી તેની જાતે ફૂલીને ઉપર આવે એટલે તેને બીજી સાઈડ ફેરવી બને બાજુ ધીમે તાપે ગોલ્ડન રંગની તળી લેવી.(જો કચોરી ફૂલ તાપે તળશો તો કડક નહીં બને) હવે તૈયાર છે કડક એવી ખસ્તા કચોરી.

હવે એક બાઉલમાં એક કચોરી લઈ તેમાં ઉપર વચ્ચે હોલ કરી તેમાં મીઠી ચટણી,લીલી ચટણી,ડુંગળી,દહીં,ઝીણી સેવ,કોથમીર નાખી સર્વ કરો.