કોબીજને ખમણી તેમાં આદું, મીઠું, મરચું અને ગરમ મસાલો મિક્સ કરવો. ત્યારબાદ ચોખાનો લોટ ઉમેરો. પાણી નાખવું નહીં. હવે મિશ્રણને બરાબર મિક્સ કરીને ગરમ તેલમાં કોફતા તળી લેવા.

કેપ્સિકમ,ગાજર, કોબીજ અને ડુંગળીને સમારી લેવા. હવે એક કડાઈમાં તેલ ગરમ કરી તેમાં ડુંગળીને સાંતળવી પછી કેપ્સિકમ, ગાજર અને કોબીજને સાંતળવા. તેમાં મીઠું, મરચું અને ગરમ મસાલો નાખીને બરાબર હલાવવું.

હવે મિશ્રણમાં ભાતને મિક્સ કરીને હલાવવા. ત્યારબાદ તેમાં કોફતા ઉમેરી ગેસ બંધ કરી દેવો. ગરમ કોબીજ કોફતા પુલાવને સર્વ કરવો.