સૌપ્રથમ મકાઇને ધોઈ તેને કુકરમાં બાફી લેવી.બે સીટી વગાડવી.ઠંડુ પડે એટલે તેના દાણા કાઢી લેવા.મકાઈને મીક્ષરમાં ૨ થી ૩ ચમચી પાણી મેળવીને પીસી લો.૧ ટેબલ ચમચી જેટલી બાફેલી મકાઈ ના દાણા અલગ કાઢી લેવા.

હવે આ મકાઈના મિશ્રણ માં બેસન એડ કરો.રવામાં ૧ ટીસ્પૂન તેલ નાખી મોઈ લેવો.તેને પણ મકાઈના મિશ્રણ માં એડ કરી મિક્સ કરી લો.હવે તેમાં તમામ ચોપ કરેલ કેપ્સીકમ, લીલા મરચાં,આદુ, ધાણા,અલગ કાઢી રાખેલ મકાઈના દાણા, અને સુકા મસાલા, મીઠું એડ કરો.હવે દહીં નાખી લચકાદાર મિશ્રણ તૈયાર કરો.

હવે અપ્પમ પેનને ગેસ ઉપર ગરમ કરવા મુકો.તેના દરેક હોલો પાર્ટમાં ૨ થી ૩ ડ્રોપ તેલ નાખો.હવે ખીરામાં ઈનો નાખી મિક્સ કરી લો અને ચમચીની મદદથી તેમાં સમાય એનાથી ઓછું ખીરું નાખો.તેને ફુલવા માટે જગ્યા રાખો.૩ મિનિટ સુધી ધીમા તાપે, ઢાંકીને કુક કરી બીજી બાજુ સાઈડ ફેરવવી.તેમાં પણ ૨ થી ૩ ડ્રોપ તેલ નાખી ઢાંકી દેવું.ફરીથી ૩ મિનિટ સુધી કુક કરી એક પ્લેટમાં કાઢી લો.ગ્રીન ચટણી અને ટોમેટો કેચપ સાથે ટેસ્ટી લાગે છે.