સૈા પ્રથમ એક કડાઈ મા તેલ ગરમ કરવા મૂકો.તેલ ગરમ થાય એટલે તેમાં રાઈ નાખો.રાઈ તતડે એટલે તેમાં પાણી નાખો ત્યાર બાદ છાસ નાખો એટલે છાસ ફાટી ન જાય.જો વઘાર મા છાસ પેલા નાખીએ તો તે ફાટી જાય છે.

હવે જ્યાં સુધી છાસ વાળું મિશ્રણ ઉકળે ત્યાં સુધી આપડે લોટ તૈયાર કરી લઈ એ.એક બાઉલ માં ચણા નો લોટ લઈ લો.ત્યાર બાદ તેમાં બધા મસાલા કરી લો.

હવે તેમાં જરૂર મુજબ પાણી ઉમેરી અને ગાંઠીયા પાડીએ તેવો લોટ બાંધવો.ત્યાર બાદ તેને ગાંઠીયા પાડવા ના સંચા મા ભરી લેવું. મારી પાસે આ પ્લાસ્ટિક નો નાનો સંચો હતો એટલે મે મોટો સંચો બગાડ્યો નથી.આ સંચા મા પણ સરસ ગાંઠીયા પડે છે અને મને આ બહુ ફાવી ગયો છે એટલે.આ સંચા મા તેલ લગાવવા ની જરૂર નથી પડતી એટલે મે નથી લગાવ્યું.જો પિત્તળ ની સંચો લ્યો તો તેમાં તેલ લગાવવું.

હવે ઉકળતા મિશ્રણ મા ગાંઠીયા પાડવા.બાઉલ માં જે લોટ ચોંટ્યો હોય તેમાં થોડું પાણી નાખી ને હલાવી લેવું જેથી એક ઘોળ જેવું બની જાય.તે પાણી ને આપડે ગાંઠીયા ના ઉકળતા મિશ્રણ મા નાખવું જેથી શાક નો રસો થોડો જાડો થઈ જાય અને શાક એકરસ બની જાય.હવે તેને પાંચ મિનિટ માટે ઉકળવા દેવું જેથી તેલ ઉપર આવી જાય.

હવે તેને સર્વ કરવા માટે એક બાઉલ માં કાઢી લો.