સૌપ્રથમ ઢોકળી નો લોટ બાંધવા માટે એક વાસણમાં બન્ને લોટ લઈ તેમાં તેલ, મીઠું, લાલ મરચું પાઉડર,હળદર, ધાણા જીરું પાઉડર,હિંગ અને સાજીના ફૂલ નાંખી બધું મિક્સ કરી લો.હવે તેમાં જરુર મુજબ પાણી નાંખી મિડિયમ કઠણ લોટ બાંધો.હવે લોટ ને સાઈડ પર મૂકી રાખો.

હવે કૂકરમા તેલ ગરમ કરવા મૂકો તેલ ગરમ થાય એટલે તેમાં રાઇ-જીરું નાખો તે ખીલે એટલે તેમાં હિંગ નાખી લીમડો નાખી ટામેટાં નાખી મિક્સ કરો. ટામેટાં સોફ્ટ થાય એટલે તેમાં મીઠું, લાલ મરચું પાઉડર,હળદર, ધાણા જીરું પાઉડર,ગોળ નાખી મિક્સ કરો.

હવે તેમાં ગુવાર નાખી મિક્સ કરો. હવે 2 ગ્લાસ જેટલું પાણી નાંખી ગુવાર ને પાણી માં ચડવા દો.

હવે તૈયાર કરેલા ઢોકળી ના લોટ ને મસળીને નાના ગોળા લઈ હથેળી થી દબાવી પાતળી ઢોકળી બનાવી ઉકળતા શાક માં ઉમેરી હળવે હાથે મિક્સ કરી શાક ઉકળે એટલે છેલ્લે લીંબુનો રસ નાખી મિક્સ કરી કૂકર ઢાંકી ને 2-3 સીટી વગાડી કૂક કરી લો. (જરુર લાગે તો ગરમ પાણી ઉમેરી શકાય).

હવે ગુવાર ઢોકળી નું શાક તૈયાર છે ઉપર કોથમીર નાખી સર્વ કરો.