સૌપ્રથમ ચોખાને ધોઈને પલાળી લો પછી એક કડાઈમાં તેલ મૂકી કાંદાને લાંબા-લાંબા કાપીને તળી લો અને ગોલ્ડન બ્રાઉન કરી લો જેથી બિરસ્તો બની જાય. પછી બધા શાકભાજીને ધોઈને કાપી લો અને મીઠું નાખીને બાફી લો.

હવે એક કઢાઈ કે વાસણમાં તેલ અને ઘી ગરમ મૂકી તેમાં જીરું નાખો પછી તેમાં કાપેલા જીણા કાંદા નાખો અને પછી તેમાં સીમલા મિર્ચી અથવા કેપ્સીકમ ઉમેરો અને ધીમા તાપે બે મિનિટ પાકવા દો. પછી તેમાં દહીં માં મેરીનેટ કરેલા બધા શાકભાજીના મિશ્રણ ને ઉમેરો. આ મિશ્રણમાં ફુદીનો અને કોથમીર કાપીને નાખો અને હલાવો.

પછી બધું બરાબર હલાવી નાખો અને તેનો મસાલો ચાખીને ચેક કરો જો મીઠું અને મરચું ઓછું લાગે તો આ સમયે તેમાં ઉમેરી શકો છો. તમારા સ્વાદ મુજબ. હવે તેને ઢાંકીને પાંચથી દસ મિનિટ માટે પકાવો જેથી બધા મસાલા એકબીજામાં ભળી જાય. તેલ છૂટે ત્યાં સુધી પકાવો.

હવે બિરયાની નો મસાલો પાકી ગયો છે અને બાસમતી ચોખા ઓસાવી લીધા છે. તેથી એક જાડા તળિયાવાળા તપેલા અથવા પેનમાં તેના પડ અથવા લેયર્સ કરશું. સૌપ્રથમ નીચે પહેલાં ચોખાનો લેયર્સ કરશું. પછી તેનાં ઉપર શાકભાજીનો લેયર્સ કરશું અને સાથે સાથે બિરસતો, કોથમીર અને ફુદીનો ઉમેરો. ફરીથી એક લેયર્સ ચોખાનું કરો.