સૌથી પહેલા બાસમતી ચોખાને ધોઈ અને ૧૫થી ૨૦ મિનિટ પલાળી રાખવા.

પછી એક પેનમાં ઘી મૂકી ગરમ થાય એટલે તજ, લવિંગ તમાલપત્ર અને જીરુ મૂકીને પાણીથી વઘાર કરવો. પછી તેમાં પલાળેલા ચોખા ઉમેરી દેવા.

ત્યારબાદ તેમાં સ્વાદ પ્રમાણે મીઠું અને બિરયાની ને સરસ કલર આપવા માટે હળદર નાખી ભાતને પાંચ થી દસ મિનિટ ચડવા દેવા.

પછી આ રીતે બધા શાકભાજીને તૈયાર કરી લેવા. એક પેનમાં તેલ મૂકી તેમાં બધા ખડા મસાલા ઉમેરી અને ડુંગળી થી વઘાર કરવો. ડુંગળી ગોલ્ડન બ્રાઉન થાય ત્યાં સુધી સાંતળી લેવી.

પછી આ રીતે ટામેટાં, આદુ, લસણ અને મરચાની પેસ્ટ બનાવી લેવી. ડુંગળી સંતળાઈ જાય એટલે તેમાં આ પેસ્ટ ઉમેરી અને બધા શાકભાજી ઉમેરી અને પેનને કવર કરી પાંચથી સાત મિનિટ શાકભાજીને ચડવા દેવા.

પાંચથી સાત મિનિટ પછી શાકભાજીને ચેક કરી લેવા ત્યારબાદ તેમાં બધા મસાલા ઉમેરી બધું મિક્સ કરી તેમાં થોડું પાણી નાખી અને બધું સરસ થી ચડી જવા દેવું.

ત્યાર બાદ એક પેનમાં આપણે ભાત અને બધા શાકભાજી ની લેયર બનાવીશું પેલા ભાત અને પછી બધું શાક તેમાં થોડી કોથમીર અને ફુદીનો સ્પ્રેડ કરી પછી પાછું ભાત અને શાક એ રીતે લેયર બનાવી ૩ થી ૪ મિનિટ બધું ધીમા તાપે પર રાખી અને કૂક થવા દેવું. આ રીતે એટલા માટે કરવામાં આવે છે કે ભાતમાં બધા શાકભાજીનો સ્વાદ સરસ થી મિક્સ થઈ જાય.

હવે આપણી સ્વાદિષ્ટ વેજ બિરયાની તૈયાર છે. તેને કોથમીરથી ગાર્નિશ કરીને સર્વ કરવી.