સૌપ્રથમ કારેલા ની છાલ અને વચ્ચેનો બીયા વાળો ભાગ કાઢી લો અને તેને ગોળ સ્લાઈડ્સમાં કાપી લો. પછી તેમાં એક ચમચી મીઠું નાખીને 15 મિનિટ ઢાંકીને રાખો. 15 મિનિટ પછી કારેલાની સ્લાઈસ ને દબાવી ને બધું જ મીઠાવાળું પાણી કાઢી લો.

હવે એક કઢાઈમાં એક ચમચી બેસન લઈને બેથી ત્રણ મિનિટ કોરો જ શેકી લો અને એક ડીશમાં કાઢી લો.

હવે એક કડાઈમાં તેલ ગરમ મુકો તેલ ગરમ થાય એટલે તેમાં જીરું અને હીંગ ઉમેરી વઘાર કરો. પછી તેમાં કારેલાની સ્લાઈસ ઉમેરો પછી તે કઢાઈ ઉપર થાળી ઢાંકી તેની ઉપર થોડું પાણી નાખો અને પાંચ મિનિટ ચડવા દો.

હવે કઢાઇ ઉપરથી થાળી ઉતારી લઈ કારેલાની સ્લાઈસ માં શેકેલો ચણાનો લોટ ઉમેરો. પછી તેમાં મરચું, હળદર, ધાણાજીરું પાઉડર ઉમેરી બધુ બરોબર મિક્સ કરી ઢાંક્યા વગર જ બે મિનિટ માટે ચડવા દો.(મીઠા ની જરૂર લાગે તો જ ઉમેરવુ)

બે મિનીટ પછી ગેસ બંધ કરી લો અને ઉપરથી 1/2 લીંબુ નીચોવી ને બધુ બરોબર મિક્સ કરી લો પછી તૈયાર થયેલા કારેલા બેસન ના શાક ને સર્વિંગ બાઉલમાં કાઢીને લીંબુ થી ગાર્નીશ કરી ને સર્વ કરો... આ શાક ખૂબ જ ટેસ્ટી લાગે છે બહુ સરસ લાગે છે...