સૌપ્રથમ જાડા તળિયાવાળા વાસણમાં દૂધને ઉકળવા મૂકો. તેમાં ખાંડ એડ કરીને હલાવી લો. પછી ગેસની ફ્લેમ્ ધીમી રાખવી. તેમાંથી ચાર ચમચી જેટલું દૂધ લઇ તેમાં કેસર ને પલાળી રાખો.

બદામને છ-સાત કલાક પાણીમાં પલાળીને રાખો. પછી તેની છાલ કાઢી લો. મિક્સરમાં મિલ્ક પાવડર, બદામ, ક્રીમ અને કેસરવાળું દૂધ એડ કરીને ગ્રાઈન્ડ કરી લો.

કસ્ટર્ડ પાવડર ને ઠંડા દૂધમાં ઓગાળી લો. પછી ઉકળતા દૂધમાં કસ્ટર્ડ વાળું દૂધ, બદામની પેસ્ટ, મિલ્ક પાવડર, કેસરવાળું દૂધ અને ક્રીમ આ બધું એડ કરીને સરખું મિક્ષ કરી ને હલાવી લો. દૂધ થીક થાય ત્યાં સુધી ઉકાળો.

દૂધ બરાબર ઉકળી ગયું છે. કેસર એડ કરવાથી પીળા રંગ નો બદામ શેક રેડી થશે. હવે છેલ્લે ઈલાયચી પાવડર એડ કરીને ગેસ ઓફ કરી દો. બદામ શેક ઠંડો થાય પછી ફ્રિજમાં ચારથી પાંચ કલાક માટે રાખી ઠંડો કરી લો.

બદામ શેક ને ગ્લાસમાં સર્વ કરો. તેને પીસ્તા ની કતરણ અને કેસર થી ગાર્નિશ કરો. ઠંડુ ઠંડુ સર્વ કરો.