અડધા કપ પાણીમાં મીઠું,બેકિંગ પાઉડર, તેલ ઉમેરી હુંફાળુ પાણી થાય ત્યાં સુધી ઉકાળો.બે મિનિટમાં હૂંફાળું પાણી થશે.પછી એક મોટા બાઉલમાં બધા લોટ મિક્સ કરો. પછી તેમાં હૂંફાળું પાણી ઉમેરી બરાબર મિક્સ કરો. કડક લોટ બંધાય ત્યાં સુધી બરાબર લોટ બાંધો. પછી તેને ઢાંકીને 10 મિનીટ રહેવા દો.

હવે આ લોટને પરાઈ લઈ ટીપી લો. નરમ લોટ પડે અને રંગ થોડો લાઈટ થાય ત્યાં સુધી તેને ટિપવો. પછી તેના લુઆ કરી તેને ઢાંકી લો.લુવા ને અર્ધપારદર્શક થઈ જાય તેટલા પાતારા વણો. તેને અટામણ કે તેલ લઈને વનવું. હવે વણેલા રોટલા ને ઢાંકીને રાખો. પછી તેના કાપા પાડી લો.

કડાઈમાં તેલ મૂકી તેલ ગરમ થાય એટલે ધીમા તાપે એક પછી એક ચોળાફળી નાખીને તેને તેલ માં ડીપ ફ્રાય કરો. એક વાડકીમાં મીઠું, લાલ મરચું પાઉડર મિક્સ કરીને તૈયાર રાખો મસાલો. ચોળાફળી લાઈટ બ્રાઉન અને ક્રિસ્પી થાય ત્યાં સુધી તેને મીડીયમ ગેસ પર તળો. થોડીવારમાં ચોળાફળી ફુલવા લાગશે. ચોળાફળી તળાઈ જાય પછી તેને એક પ્લેટમાં કાઢી તેના પર બનાવેલો મસાલો છાંટી લો. એરટાઈટ ડબ્બામાં ભરી દિવાળીમાં મહેમાનોને પીરસો.અને વાહ વાહ મેળવો.