સૌ પ્રથમ દમ આલુ માટે ઉપર ના ઘટકો ની બધી તૈયાર કરી લેવી.

હવે કુકરમાં બટાકાને બે સીટી વગાડી બાફી લેવા. પછી તેની છાલ ઉતારીને ગરમ તેલમાં તળી લેવા.

હવે એક પેનમાં બધા ખડા મસાલા લઈ એકથી બે મિનિટ માટે સાંતળી લેવા. પછી તે ઠંડા થઈ જાય પછી મિક્સર જારમાં લઈને વાટી લેવા.

હવે પેનમાં 2 ટેબલસ્પૂન તેલ ગરમ કરી તેમાં આદુ-મરચા-લસણ ને સાંતળો. પછી તેમાં કાદાં ઉમેરી આછા ગુલાબી રંગના થાય ત્યા સુધી સાંતળો. પછી તેમાં ટામેટાં અને કાજુ ઉમેરી ટામેટાં સોફ્ટ થાય ત્યા સુધી સાંતળો. પછી તેને ઠંડુ કરી પેસ્ટ બનાવી લેવી.

દહીમાં લાલ મરચું પાઉડર, કાશ્મીરી લાલ મરચું પાઉડર, ધાણાજીરું, ગરમ મસાલો, હળદર અને મીઠું ઉમેરીને પેસ્ટ બનાવી લેવી.

હવે પેનમાં 2 ચમચા તેલ ગરમ કરી તેમાં હિંગ ઉમેરી પછી તેમાં કાંદા ટામેટા વાળી પેસ્ટ ઉમેરી સાંતળો. પછી તેમાં ખડા મસાલા નો પાઉડર ઉમેરી સાંતળો.

પછી તેમાં દહીં વાળી પેસ્ટ ઉમેરી સાંતળો. થોડી વાર પછી તેમાં થોડું ગરમ પાણી, ખાંડ, જરૂર મુજબ મીઠું અને તળેલી બટાકી ઉમેરી બરોબર મિક્સ કરી ઢાંકણું ઢાંકી ગ્રેવીને ઉકાળો.

તેલ છુટું પડે પછી તેમાં કસૂરી મેથી ઉમેરી મિક્સ કરી 1 મિનિટ પછી ગેસ બંધ કરી કોથમીર નાખી બરોબર મિક્સ કરી લેવું.