મેથી સાફ કરી ધોઈ બારીક સમારી લેવી.વટાણા ને ચપટી મીઠું અને ખાંડ નાખી બાફી લેવા.કાંદા ને સમારી લેવો.કાજ,મગજતરી,ખસખસ‌ને ગરમ પાણી માં ૧ કલાક સુધી પલાળી રાખો.૧ ચમચી તેલ ગરમ‌ કરી તજ ઇલાયચી ઉમેરો.

એમાં કાંદો ઉમેરી સાંતળો. કાંદો સંતળાઈ જાય પછી પલાળેલા કાજુ, મગજતરી, ખસખસ‌ ને આદુ લસણની પેસ્ટ ઉમેરીને હલાવો.મરચા સમારી ઉમેરો.થોડીવાર સુધી પાણી ઉમેરીને ઢાંકી ને થવા દો.૫/૭ મિનિટ પછી ગેસ બંધ કરવો.

આ મીશ્રણ ઠંડુ થાય પછી તજ ઇલાયચી બહાર કાઢી મીક્ષરમાં માં પીસી લો.કડાઇ માં ૧ ચમચી તેલ ગરમ‌ કરી સમારેલી મેથી ને મીઠું નાખી ચડાવી સાઈડ પર રાખો.એજ કડાઈમાં તેલ ઉમેરી જીરૂ ને ધાણાજીરું નો વઘાર કરો.

જીરું તતડે એટલે વાટેલી પેસ્ટ એડ કરી સાંતળો.તેલ છુટે ત્યાં સુધી શેકો.જરૂર લાગે તો પાણી ઉમેરો.મેથી વટાણા ઉમેરી થવા દો.

ગરમ‌મસાલો, મીઠું ઉમેરો.૩/૪ મિનિટ બરાબર ખદખદવા દો.જરુર પડે તો વચ્ચે વચ્ચે ગરમ‌પાણી ઉમેરવુ.છેલલે મલાઈ એડ કરી હલાવી ગેસ બંધ કરવો.

ગરમાગરમ શાક ને મેં ઘંઉ ની તંદૂરી રોટી સાથે સર્વ કરી છે.