સૌપ્રથમ આમળાને ધોઈ અને વરાળે દસ મિનિટ માટે બાફી લેવા. ઠંડા પડે એટલે તેને ચાકુની મદદથી ઉભા કટ કરી લેવા. પેશીઓ પ્રમાણે કટ કરવા. હવે એક સ્ટીલની તપેલીમાં અથવા સ્ટીલની કડાઈમાં અઢી કપ પાણી ગરમ કરવા મૂકો. પાણી ઉકળે એટલે તેમાં સાકર નાખો.

પાણીમાં સાકર ઓગળી જાય એટલે તેમાં કટ કરેલા આમળા એડ કરો. ધીમા તાપે ઉકાળવું. હવે તેમાં કેસર તથા ઈલાયચી પાઉડર એડ કરી મિક્સ કરો.

થોડી થોડી વારે આ મિશ્રણને હલાવતા રહેવું અને ચાસણીમાં ચીકાસ આવી જાય અને મધ જેવું ટેકસ્ચર બની જાય એટલે ગેસ ઓફ કરી દેવો અને બીલકુલ ઠંડું પડવા દેવું. ઠંડું પડે એટલે એરટાઇટ જારમાં ભરી લેવું.