પેન માં બે કપ પાણી ઉમેરી ને ગરમ કરો,પાણી સરસ ઉકળવા લાગે એટલે તેમાં ચણા,મીઠું અને ખાંડ ઉમેરી ને ગેસ ની high flam પર બાફી લો...૫ થી ૭ મિનિટ લાગશે.
ચણા સરસ બફાઈ જાય એટલે ચારણી બાઉલ પર રાખી ને ચણા ને નિતારી લો..પાણી શાક માં વાપરવું.

લસણ ની ચટણી બનાવવી :
લસણ ની કળી,જીરું,લાલ મરચું....ખાંયણી માં લસોટી ને ચટણી તૈયાર કરી લો.

ગ્રેવી બનાવવા માટે :
ટામેટાં,લીલી ડુંગળી નો સફેદ ભાગ,લીલાં મરચાં અને આદુ નો ટુકડો...ધોઈ,સમારી ને મિક્ષચર જાર માં ઉમેરી ને કર્શ કરી લો...ગ્રેવી તૈયાર...

પેન માં તેલ ગરમ કરી તેમાં રાઈ,જીરું ઉમેરો ને સરસ તતડે એટલે હીંગ,સૂકાં લાલ મરચાં,તજ,તમાલપત્ર અને લવિંગ ઉમેરી ને સાંતળો પછી ગેસ ની આંચ ધીમી કરી ને તેમાં ચણાનો લોટ ઉમેરી ને શેકો...રંગ બદલાય અને સુંગધ આવે એટલે તેમાં મોટી ચમચી લસણ ની ચટણી,હળદર,ધાણાજીરુ,લાલ મરચું ઉમેરી ને મિક્સ કરી લો પછી તરત જ છાશ ઉમેરી ને સરસ હલાવી લો.

ટામેટાં - ડુંગળી ની ગ્રેવી અને સ્વાદ મુજબ મીઠું ઉમેરી હલાવીને ઢાંકણ ઢાંકી ને તેલ છુટું પડે ત્યાં સુધી પકવો,વચ્ચે વચ્ચે ઢાંકણ ખોલી ને હલાવી લેવું.પેન માં તેલ છુટું પડે એટલે તેમાં લીલી ડુંગળી નો લીલો ભાગ ઉમેરી ને સાંતળો,હવે તેમાં બાફી ને નિતારી ને રાખેલ ચણા ઉમેરી મિક્ષ કરો,મેશર થી શાક ને અધકચરુ કરો.

પછી તેમાં બાજું પર અલગ રાખેલ બાફેલ ચણા નું પાણી ઉમેરી ને શાક ને ખદખદાવા દો,પછી ઢાંકણ ઢાંકી ને શાક ને પાંચ મિનિટ માટે ઉકળવા દો.

વઘારિયા માં ૨ ચમચી તેલ ગરમ કરી શાક ઉપર લાલ મરચું ઉમેરી તેના પર ગરમ તેલ ઉમેરી ને સરસ હલાવી લો.

આ તૈયાર લીલાં ચણા(જીંજરા) નું શાક પીરસી શકાય....