સૌ પ્રથમ ટામેટાંના કટકા કરી લો અને કડાઇમાં થોડું પાણી લઈ, તેમાં સમારેલાં ટામેટાં ઉમેરી થોડી વાર માટે ચડાવી અને ઠંડા કરી લો. હવે આ ટામેટાં ને ક્રશ કરી ગ્રેવી બનાવી લો અને તેને ગાળી લો.

હવે તેમાં ઘઉંનો લોટ, બેસન અને બાકીના મસાલા અને ૧ ચમચી તેલ ઉમેરી લોટ બાંધી લો. જરૂર લાગે તો પાણી ઉમેરો અને રોટલીના લોટ જેવો લોટ બાંધવો છેલ્લે ફરી ૧ ચમચી તેલથી મસળી લો અને ૧૦ મિનિટ માટે રેસ્ટ આપો.

હવે એમાંથી એકસરખા લુવા કરી તેની પાતળી રોટલી વણી તેને કાચી પાકી શેકી લો. બધી રોટલી શેકાઈ ગયા બાદ ફરી થી એક એક રોટલી લઈ, ધીમા તાપે કપડાથી દબાવી દબાવીને શેકી લો અને બધી બાજુથી કડક શેકી લો.

હવે આ ખાખરા ને થોડા ઠંડા કરી લો જેથી તે એકદમ ક્રિસ્પી થઈ જશે પછી તેને સર્વ કરો.