પલાળેલી મેથીને કુકરમાં નાખી થોડું મીઠું અને હળદર નાખી એક સીટી કરી લેવી અને વઘાર માટેની બધી સામગ્રી તૈયાર કરી લેવી.

એક પેનમાં તેલ ગરમ કરવા મૂકવું તેલ ગરમ થાય એટલે તેમાં રાઈ-જીરું હિંગ સૂકા લાલ મરચા નાખી લસણ અને લીલા મરચા સાતળી લેવા

હવે તેમાં હળદર મરચું, ધાણાજીરું ગરમ મસાલો નાખી થોડીવાર સાંતળવું ત્યારબાદ તેમાં ઝીણા સમારેલા ટામેટાં નાખી દેવા ટામેટાં સોફ્ટ થાય ત્યાં સુધી ચડવા દેવા.

તેમાં મીઠું ને એક વાટકી જેટલું પાણી નાખી ટમેટાને ઉકળવા દેવા.

ઢાંકણ ઢાંકી ત્રણથી ચાર મિનિટ સુધી ગ્રેવી થવા દેવી હવે તેમાં બાફેલી મેથી નાખી મિક્સ કરી લેવું.

જરૂર લાગે તો થોડું પાણી ઉમેરવું કેમ કે પાપડના ટુકડા નાખશું એટલે થોડો રસો પાપડ ચૂસી લેશે. હવે તેમાં અડધા લીંબુનો રસ નાખી મિક્સ કરી લેવું.

પાપડ ને નોનસ્ટીક પેનમાં તવેથાથી દબાવી અને બંને બાજુ થોડા ગુલાબી થાય તે રીતે શેકી અને તૈયાર કરી લેવા. અને પાપડના નાના ટુકડા કરી લેવા.

પાપડ ના ટુકડાને મેથીના શાકમાં ઉમેરી દેવા એક બે મિનિટ સુધી શાકને ઉકળવા દેવું. હવે આપણી મેથી પાપડ ની સબ્જી સરસ બની ગઈ છે.
નોંધ : મેથી પાપડ ના શાકમાં પાપડ ના ટુકડા જમવા બેસતી વખતે પાંચ મિનિટ પહેલા જ એડ કરવા.

સર્વિંગ પ્લેટમાં કાઢી ઉપર કોથમીર નાખી ગાર્નિશ કરી ગરમાગરમ મેથી પાપડ ની સબ્જી સર્વ કરવી.
તો તૈયાર છે
મેથી પાપડ સબ્જી