સૌ પ્રથમ પાલક ની ભાજી ને સાફ કરી ધોઈ ને ગરમ ઠંડા પાણી માં બ્લાંચ કરી લેવી.પછી પાણી નિતારી મિક્સર જાર માં પ્યુરી બનાવી લેવી.

બંને લોટ ને ચાળી ને બધા સૂકા ઘટકો અને આદુ મરચા ને પેસ્ટ ઉમેરી મિક્સ કરી લેવું.પછી પીગળેલું બટર અને ચીઝ ખમણી ને ઉમેરી દો.

હવે તૈયાર કરેલી પાલક પ્યુરી ઉમેરવી. પાણી ની જરૂર પડે તો લઇ ને મીડિયમ લોટ બાંધવો..મે 1 કપ પાણી લીધું છે.ચકરી ના સંચા ને તેલ થી ગ્રીસ કરી લોટ ભરી લેવો. તેમાંથી બધી ચકરી પાડી લો.

હવે તેલ ગરમ થાય એટલે તવીથા ની મદદ થી ચકરી ઉપાડી તેલ માં નાખવી. ચકરી ને મધ્યમ તાપે ફીણ ઓછા થાય ત્યાં સુધી તળી લો.1 વખત ઘાણ ને 7-8 મિનિટ લાગે છે.

તૈયાર છે હેલ્ધી, ક્રિસ્પી પાલક બટર ચકરી. ઠંડી થાય એટલે તેને એર ટાઈટ ડબ્બા માં ભરી લેવી.15 દિવસ સુધી સારી રહે છે.