સૌપ્રથમ બટાકા છોલીને ટુકડા કરી લેવા. ટામેટા કટ કરી લેવા. કુકરમાં તેલ ગરમ કરો. રાઈ, જીરું ક્રેક કરો. હવે તેમાં લવિંગ તજ તમાલપત્ર બાદિયા સૂકા લાલ મરચા નાખી સોતે કરી લો. હિંગ તથા હળદર નાખી અને ગેસની સ્લો ફ્લેમ પર તેમાં ટામેટા સાંતળી લો. હવે તેમાં બટાકાના ટુકડા એડ કરો. મીઠું નાખી મિક્સ કરો. 3 થી 4 મિનિટ સુધી સ્લો ફ્લેમ પર તેને રાખી તેમાં એક ગ્લાસ પાણી એડ કરો. પાણી ઉકળે એટલે કુકર બંધ કરી બે સીટી વગાડો.

કુકર ઠંડું પડે એટલે ખોલો અને ફરીથી ગેસની સ્લો ફ્લેમ પર રાખો. હવે સામગ્રીમાં દર્શાવ્યા પ્રમાણેના તમામ મસાલા એડ કરી દો. મિક્સ કરો. બટાકા ના બે થી ત્રણ ટુકડાને ચમચીથી દબાવીને પ્રેસ કરો અને મિક્સ કરો.એટલે શાકનો રસો ઘટ્ટ બની જશે. હવે લીલા ધાણા નાખી ગેસ ઓફ કરી દો. તૈયાર છે બટાકા નું રસાદાર શાક.