સૌપ્રથમ પ્રેશર કુકરમાં તેલ ગરમ કરવા મૂકો. તેલ ગરમ થાય એટલે તેમાં જીરું તજ મરીના દાણા સુકુ લાલ મરચું અને હિંગ નાખી જીરુંને ક્રેકલ થવા દેવું.

ત્યારબાદ તેમાં શીંગદાણા નાખી શીંગદાણા ફૂટે ત્યાં સુધી થવા દેવા ત્યારબાદ તેમાં એક ચપટી હળદર નાખી મિક્સ કરી લેવું.

હવે તેમાં સમારેલા ટામેટાં મીઠા લીમડાના પાન આદુ મરચાની પેસ્ટ નાખી મિક્સ કરી લેવું. ત્યારબાદ તેમાં લાલ મરચું પાઉડર અને ધાણાજીરું નાખી દેવું.

હવે તેમાં મીઠું અને ખાંડ નાખી મિક્સ કરી સમારેલા બટાકા નાખી દેવા..

બટેટાને બે થી ત્રણ મિનિટ સુધી તેલમાં સાંતળી લેવા ત્યારબાદ તેમાં એક કપ જેટલું પાણી નાખી થોડીવાર ઉકળવા દેવું. કુકર નુ ઢાંકણ ઢાંકી અને એક સીટી કરી લેવી. કુકર ઠંડુ થાય ત્યારબાદ તેમાં લીંબુનો રસ અને થોડો ગરમ મસાલો નાખી મિક્સ કરી લેવું.

તો તૈયાર છે
બટાકા નુ રસાવાળુ ફરાળી શાક
સર્વિંગ પ્લેટમાં કાઢી કોથમીરથી ગાર્નિશ કરી ગરમ ગરમ બટેટાનું રસાવાળું ફરાળી શાક ને સર્વ કરવું.