સૌપ્રથમ મોરૈયા ને ધોઈ અને 1/2કલાક માટે પલાળી દેવો બટેટાને ધોઈ અને પીલ કરી ઝીણા ટુકડામાં સમારી લેવું. ટામેટાં લીલાં મરચાં સમારી અને તૈયાર કરી લેવા.

નોનસ્ટીક પેનમાં ઘી મૂકી તેમાં જીરું સૂકું લાલ મરચું અને થોડી હિંગ અને એક ચપટી હળદર નાખી પહેલા સીંગદાણાને એક બે મિનિટ માટે સાંતળી ત્યારબાદ તેમાં સમારેલા બટાકા લીલા મરચાના ટુકડા અને મીઠા લીમડાના પાન નાખી બટેટાને બે થી ત્રણ મિનિટ માટે ઘીમાં સંતળાવવા દેવા.

ત્યારબાદ તેમાં મીઠું, ખાંડ,લાલ મરચું પાઉડર, ધાણાજીરૂ નાખી અને ઝીણા સમારેલા ટામેટાં પણ નાખી દેવા ટામેટાં સોફ્ટ થાય ત્યાં સુધી ચડવા દેવું ત્યારબાદ તેમાં બે કપ જેટલું પાણી નાખી ઉકળવા દેવું પાણી ઉકાળી જાય એટલે પલાળેલો મોરૈયો નાખી ફરાળી ખીચડી ને ધીમા તાપે ચડવા દેવી. છેલ્લે તેમાં 1 ચમચીદહીં, લીંબુનો રસ અને કોથમીર નાખી મિક્સ કરી ગેસ બંધ કરી દેવો.

સર્વિંગ પ્લેટમાં કાઢી ગરમ ગરમ ફરાળી ખીચડી કોથમીરથી ગાર્નિશ કરી સર્વ કરવી.
તો તૈયાર છે
મોરૈયા બટેટાની ફરાળી ખીચડી