उडीदडाळ 2-3 वेळा स्वच्छ धुवून,पाण्यात रात्रभर भिजत घालणे. सकाळी पाणी निथळून घेणे. मिक्सरवर बारीक वाटून घेणे.

खोबर्‍याचा किस, खसखस, लसूण,आलं, कोथिंबीर एकत्र करून मिक्सर मधून मसाला वाटून घेणे. खसखस, खोबर्‍याचा किस तव्यावर थोडेसे गरम करून घेणे.

कांदा,कोथिंबीर बारीक चिरून घेणे.गॅसवर कढई तापत ठेवून, त्यात तेल घालणे.तेल तापले की, त्यात कोथिंबीर व तमालपत्र घालणे. नंतर कांदा घालून गुलाबी सर भाजून घेणे.

कांदा भाजून झाल्यावर वाटलेला मसाला घालून 3-4 मिनिटे परतवून घेणे.सर्व मसाले घालून 2-3 मिनिटे परतवून घ्यावे.

मसाला भाजून झाल्यावर त्यात 1/2 कप व वर थोडे पाणी घालून हलवून घ्यावे व झाकण ठेवून, 5 मिनिटे उकळून घ्यावे.मसाला छान शिजतो.

नंतर पुन्हा 1 कप भरून पाणी घालावे. त्याला उकळी येऊ द्यावी. वाटलेल्या डाळीत थोडे लाल तिखट व मीठ घालून मिक्स करून घेणे.

रस्त्याला उकळी आली की, डाळीच्या पिठाचे पातळ, मध्यम-छोटे वडे हातावर थापून घेणे व रस्स्यात सोडणे.सर्व वडे सोडून झाल्यावर झाकण ठेवून मंद आचेवर 5-7 मिनिटे शिजू द्यावे.

वडे रस्स्यातील पाणी शोषून घेतात.त्यामुळे मध्यम घट्टसर रस्सा तयार होतो.