गाजर स्वच्छ धुऊन किसून घ्यावीत. पिस्त्याचे काप करून घ्यावेत. केशर दुधात भिजत घालावा.

किसलेल्या गाजरात दूध घालून मिक्सर मधून फिरवून घ्यावे.

गॅसवर मध्यम आचेवर पॅन मध्ये मिक्सर मधून काढलेले गाजर दुधाचे मिश्रण आणि साखर घालून सारखे ढवळत रहावे. मिश्रण घट्ट होई पर्यंत सारखे हलवत रहावे. त्यात मिल्क पावडर, केशर घालून मिक्स करून घ्यावे.

ट्रेला तूप लावून घट्ट झालेले मिश्रण त्यात ओतावे. सगळीकडून नीट पसरून त्यावर पिस्त्याचे काप घालून आवडीच्या आकारात गाजर बर्फीचे तुकडे करावेत. गाजर बर्फी तयार.