गाजर व बीट यांची सालं काढून, धुऊन घेऊन, किसून घेणे.

गॅसवर पॅन गरम करत ठेवणे. डेसिकेटेड कोकोनट 2-3 मिनिटे परतवून घेणे. नुसते गरम करून घ्यायचे आहे. डीशमध्ये काढून घेणे.
पॅन मध्ये तूप घालून घेणे.

गाजर व बीट यांचा किस घालून त्यातील पाण्याचा अंश कमी होईपर्यंत परतून घेणे. नंतर साखर घालून व्यवस्थित मिक्स करून घेणे. साखरेमुळे पाणी सुटते. त्यामुळे दोन्ही किस व्यवस्थित शिजतात.मिश्रण सतत हलवत रहावे.

साखरेचे पाणी बऱ्यापैकी म्हटली की त्यात पाणी घालून व्यवस्थित मिक्स करून घेणे. 5 -7 मिनिटांनी डेसिकेटेड कोकोनट घालून मिक्स करणे.ट्रे ला तूप लावून घेणे.गॅस मंद आचेवर ठेवावा.

मिश्रण सतत हलवत रहावे. त्याचा गोळा होत आला की, तसेच मिश्रण भांड्यापासून सुटू लागले की.गोळा तूप लावलेल्या ट्रेमध्ये काढून पसरवून घेणे.

वरून सुकामेव्याचे काप लावून घेणे.हाताने थोडे दाबून घेणे.मिश्रण थंड झाल्यावर सुरीने हव्या त्या आकारात वड्या कापून घेणे.

खाण्यासाठी तयार पौष्टिक गाजर व बिटाची बर्फी.