தேங்காய் பால் தவிர கொடுத்துள்ள தேவையான பொருட்களை ஒன்றாக கலந்து கொள்ளவும்.பின்பு தயாராக வைத்துள்ள தேங்காய் பாலை சேர்க்கவும்.மிகவும் கெட்டியாகவோ அல்லது மிகவும் தண்ணியாகவோ இல்லாமல் அச்சில் ஒட்டும் பதத்திற்கு மாவை கரைத்து கொள்ளவும்.ஒரு வாணலியில் முறுக்கு பொரித்தெடுக்க தேவையான எண்ணையை ஊற்றி அடுப்பில் வைத்து சூடாக்கவும். மற்றொரு அடுப்பில் ஒரு வாணலியில் சிறிது எண்ணெய் ஊற்றி சூடாக்கி அதில் அச்சு முறுக்கு சுடும் அச்சை போட்டு வைக்கவும்.

சூடான எண்ணெயில் இருக்கும் அச்சை எடுத்து,தயார் செய்து வைத்துள்ள மாவில் வைத்து அந்த அச்சு முக்கால் பாகம் மூழ்கும் வரை இட்டு,பொரிக்க தயாராக உள்ள எண்ணையில் மாவுடன் கூடிய அச்சை வைத்தால் சிறிது நொடியில் முறுக்கு அச்சிலிருந்து பிரிந்து எண்ணையில் வேக ஆரம்பிக்கும்.

ஒரு புறம் நன்றாக வெந்ததும் மறுபுறம் திருப்பி விடவும்.முறுக்கு பொன்னிறமாக பொரிந்து வந்ததும் எண்ணையிலிருந்து எடுத்து,சூடு ஆறியதும் பரிமாறவும். இப்பொழுது மொறு,மொறுன்னு சுவையான அச்சு முறுக்கு ரெடி.