முதலில் மாவு, தேவையான அளவு உப்பு தண்ணீர்,2 டீஸ்பூன் எண்ணெய் சேர்த்து நன்றாக கலந்து சப்பாத்தி மாவு பதத்திற்கு பிசைந்து கொள்ளவும்..15 நிமிடங்கள் ஊறவைத்து கொள்ளவும்... இதற்கிடையில் ஒரு கடாயில் எண்ணெய் விட்டு காய்ந்ததும் அதில் சோம்பு சேர்த்து பொரிந்ததும் அதில் வெங்காயம் சேர்த்து வதக்கவும்.. பின்னர் மிளகாய்த்தூள் கரம் மசாலா தூள் மற்றும் தேவையான அளவு உப்பு சேர்த்து நன்றாக வதக்கவும்... சமோசா உள்ளில் வைக்க தேவையான மசாலா ரெடி...

பிசைந்த மாவை சிறு சிறு உருண்டைகளாக உருட்டி சப்பாத்தியை விட லேசானது போன்று பரத்தி வைக்கவும்... ஓரங்களை வெட்டி நீண்ட செவ்வக வடிவில் வைக்கவும்.. இதேபோல் அனைத்து மாவையும் செய்து கொள்ளவும்... இந்த சமோசா சீட்டை சப்பாத்தி தவாவில் போட்டு இரு புறமும் லேசாக சுட்டு வைக்கவும்.

ஒரு டீஸ்பூன் கோதுமை மாவுடன் சிறிது தண்ணீர் சேர்த்து பேஸ்ட் செய்து வைக்கவும்... சமோசா சீட்டை முக்கோண வடிவில் மடித்து அதன் நடுவில் ஆனியன் மசாலா கலவையை சிறிது வைத்துக் கொள்ளவும்... சீட்டின் ஓரங்களை மாவு பேஸ்ட் வைத்து ஒட்டி கொள்ளவும்...இதே போல் அனைத்தையும் தயாராக செய்து வைத்துகொள்ளவும். ஒரு கடாயில் பொரிக்க தேவையான அளவு எண்ணெய் ஊற்றி காய்ந்ததும் அதில் தயாராக வைத்திருந்த சமோசாவை போட்டு இரு புறமும் பொன்னிறமாக பொரித்து எடுக்கவும்...