ராகி சேமியாவை ஒரு கிண்ணத்தில் எடுத்துக் கொண்டு சேமியா மூழ்கும் வரை தண்ணீர் ஊற்றி 2நிமிடம் ஊற விட்டு பின் தண்ணீரை வடிகட்டி எடுத்து கொள்ளவும். பின் இட்லி பாத்திரத்தில் சேமியாவை ஆவியில் 10நிமிடம் வேக வைத்து எடுத்து கொள்ளவும்.

ஒரு கடாயில் நெய் அல்லது எண்ணெய் ஊற்றி சூடானதும் கடுகு, உளுத்தம் பருப்பு, கடலைப் பருப்பு, வேர்க்கடலை சேர்த்து தாளித்து பருப்பு நன்கு சிவந்து வரும் வரை வதக்கவும். பின்னர் கருவேப்பிலை, பச்சை மிளகாய், காய்ந்த மிளகாய் சேர்த்து வதக்கி அதனுடன் வெங்காயம் சேர்த்து நன்கு வதக்கவும்.

வெங்காயம் நன்கு வதங்கிய உடன் ஆவியில் வேக வைத்து எடுத்த ராகி சேமியா, தேவையான உப்பு, பொடியாக நறுக்கிய கொத்த மல்லி, துருவிய தேங்காய் சேர்த்து கிளறவும். பின் மூடி போட்டு 2நிமிடம் வேக விட்டு கிளறி சூடாக பரிமாறவும். உதிரி உதிரியான சாப்டான சுவையான ராகி சேமியா ரெடி. (விரும்பினால் 1ஸ்பூன் எலுமிச்சை சாறு கடைசியில் சேர்க்கலாம்). இதில் சர்க்கரை சேர்த்து இனிப்பாகவும் சாப்பிடலாம்.