ரெண்டு ஸ்பூன் வர கொத்தமல்லி, ஒரு ஸ்பூன் கடலைப்பருப்,பு, ஒரு ஸ்பூன் துவரம்பருப்பு, ஒரு ஸ்பூன் சீரகம் அனைத்தையும் தண்ணீரில் அரை மணி நேரம் ஊற வைத்துக் கொள்ளவும். ஒரு கப் தயிரை ஒரு டம்ளர் தண்ணீர் சேர்த்து நன்கு கடைந்து கொள்ளவும்.

இஞ்சியை பொடியாக நறுக்கி 4 பச்சை மிளகாயுடன் எண்ணெயில் நன்கு வதக்கிக் கொள்ளவும். இவை ஆறியவுடன் இவற்றுடன் ஒரு கப் தேங்காய் துருவல், அரை ஸ்பூன் மஞ்சள் தூள், ஊறவைத்த கொத்தமல்லி கடலைப்பருப்பு துவரம் பருப்பு மற்றும் சீரகத்தை சேர்த்து அரைத்துக் கொ,ள்ளவும் விழுதாக. சிறிய வெங்காயத்தை ஒன்றிரண்டாக அரைத்து இதனுடன் சேர்த்து கொள்ளவும்.

அரைத்த விழுதை மோரில் தேவையான அளவு உப்பு சேர்த்து நன்கு கலந்து விட்டு கொள்ளவும். இதனை வாணலியில் ஊற்றி நுரை பொங்கி வரும்போது நிறைய நேரம் கொதிக்க விடாமல் அடுப்பை நிறுத்தி விடவும். வெண்டைக்காயை நன்றாக கழுவி துடைத்து விட்டு பொடியாக அரிந்து கொள்ளவும். வாணலியில் ரெண்டு ஸ்பூன் தேங்காய் எண்ணெய் ஊற்றி சூடு ஏறியவுடன் அதில் ஒரு ஸ்பூன் கடுகு உளுத்தம்பருப்பு, வர மிளகாய்,பெருங்காயத்தூள் கருவேப்பிலை சேர்த்து தாளித்து அதனுடன் பொடியாக அரிந்த வெண்டைக்காயை சேர்த்து பச்சை நிறம் மாறும் வரை வதக்கவும்.

வதக்கிய வெண்டைக் காயை கொதித்த மோர்க் குழம்பில் சேர்த்து நன்கு கலந்து விடவும் பிறகு கொத்தமல்லி தழை சேர்த்து பரிமாறவும். சாதத்தில் பிசைந்து சாப்பிடவும் இட்லி தோசைக்கு தொட்டுக் கொள்ளவும் இந்த வெண்டைக்காய்மோர் குழம்பு சுவையாக இருக்கும்.