முதலில் எல்லா வகையான பருப்பை கழுவி 8 மணி நேரம் ஊற வைக்கவும்.

உடைத்த கோதுமையை பாதாம் மற்றும் முந்திரி பருப்பு சேர்த்து அரைத்து கொள்ளவும்.

வெங்காயத்தை நீட்டமாக வெட்டி எண்ணையில் பொரித்து எடுக்கவும்.

ஒரு குக்கரில் நெய் ஊற்றி,மட்டனை இஞ்சி பூண்டு விழுது, மஞ்சள் தூள், மிளகாய் தூள், பட்டை, லவங்கம்,ஏலக்காய், ஷாஹி ஜீரா,பச்சை மிளகாய் மற்றும் உப்பு சேர்த்து நன்கு வேக வைத்து கொள்ளவும்.

பின் அதில் உள்ள எழும்பு நீக்கி கறியை தனியாக எடுத்து, அரைத்து கொள்ளவும்.

ஒரு குக்கரில் நெய் ஊற்றி, அரைத்த கோதுமை கலவையை மிதமான சூட்டில் வறுத்து,வேக வைப்பதற்கு தண்ணீர் ஊற்றவும்.

பின் அதில் ஊற வைத்த பருப்பை போட்டு 5-6 விசில் வரை வேக விடவும்.

பின்பு அதை மசித்து கொள்ளவும்.

மசித்த இறைச்சியை அதில் சேர்த்து, பின் வேக வைத்த மட்டன் ஸ்டாக்கை ஊற்றி மிதமான சூட்டில் 20 நிமிடம் கொதிக்க விடவும்.

இதில் பொடியாக நறுக்கிய மல்லி தழை, புதினா இலை மற்றும் பொரித்த வெங்காயம் சேர்த்து கிளறவும்.

கடைசியில் பொரித்த வெங்காயம், மல்லி தழை,எலுமிச்சை சாறு மற்றும் சாட் மசாலா தூவி பரிமாறவும்.

சுவையான சத்தான ஹலீம் ரெடி.