முதலில் உருளைக்கிழங்கை வேக வைத்து தோலுரித்து மசித்துக் கொள்ளவும். அதனுடன்துருவிய பன்னீர் சிறிதாக நறுக்கிய பச்சை மிளகாய், மிளகாய்த்தூள், உப்பு மற்றும் மைதா சேர்த்து நன்றாக பிசைந்து கொள்ளவும். பின் அதனை சிறிய உருண்டைகளாக பிடித்துக் கொள்ளவும்.

பிடித்த உருண்டைகளை மிதமான சூட்டில் எண்ணெயில் பொரித்தெடுக்கவும். வேறொரு வாணலியில் பெரியவெங்காயம், தக்காளி சிறிய துண்டு இஞ்சி, பூண்டு மற்றும் முந்திரி சேர்த்து நன்றாக வதக்கி ஆற வைத்து மைய அரைத்து வடிகட்டிக்கொள்ளவும்.

கடாயில் எண்ணெய் சேர்த்து எண்ணெய் காய்ந்ததும் பட்டை கிராம்பு ஏலக்காய் சீரகம் பிரிஞ்சி இலை தாளித்து அதனுடன் மிளகாய்த்தூள் சீரகத்தூள் மற்றும் கரம் மசாலா தூள் சேர்த்து வதக்கவும். அதன் பின் அரைத்த விழுதை சேர்த்து அதனுடன் தயிர் சேர்த்து எண்ணெய் பிரிந்து வரும் வரை கிளறவும். எண்ணெய் பிரிந்து வந்தவுடன் தேவையான அளவு தண்ணீர் மற்றும் உப்பு சேர்த்து கொதிக்க வைக்கவும்.

குழம்பு நன்றாக கொதித்ததும்பொரித்த கோஃப்தா உருண்டைகளை சேர்த்து நன்றாக கிளறி மிதமான சூட்டில் மூடி வைத்து 5 நிமிடம் வேக வைக்கவும். பின் நறுக்கிய கொத்தமல்லி இலை மற்றும் கஸ்தூரி மேத்தி சேர்த்து இறக்கவும்.

சுவையான பனீர் கோஃப்தா கிரேவி தயார் இதனை சப்பாத்தி, ரொட்டி,நான் உடன் சாப்பிட நன்றாக இருக்கும்.