முதலில் அரைகிலோ நெல்லிக்காயை கழுவி நன்றாக துடைத்து கொள்ளவும். ஒரு பெரிய வாயகன்ற பாத்திரத்தில் நெல்லிக்காய் முழுகும் அளவிற்கு தண்ணீர் சேர்த்து கொதிக்க விடவும். தண்ணீர் கொதித்தவுடன் நெல்லிக்காயை அதில் சேர்த்து பத்து நிமிடத்திற்கு மூடி போட்டு வேகவிடவும். நெல்லிக்காய் வெந்து விட்டால் மேல் தோல் சுருங்கி வெடிப்பு வரும். நிறம் மாறும்.கையில் உடைத்து விட்டால் நன்கு உடையும்.

இப்போது ஒரு லிட்டர் அளவு புளித்த தயிரை அரை டம்ளர் தண்ணீர் சேர்த்து நன்கு கடைந்து கொள்ளவும். அதில் தேவையான அளவு உப்பு சேர்த்துக் கொள்ளவும். 15 பச்சை மிளகாயை நன்கு கழுவி விட்டு மிக்ஸியில் ஒன்றிரண்டாக அரைத்துக் கொள்ளவும்.(பச்சையாக)

இப்போது ஒரு தாளிக்கும் கரண்டியில் இரண்டு ஸ்பூன் எண்ணெய் சேர்த்து காய்ந்தவுடன் அதில் கடுகு, உளுத்தம் பருப்பு பெருங்காயத்தூள் மற்றும் கருவேப்பிலை சேர்த்து தாளிக்கவும். தாளித்த இவற்றை அரைத்த பச்சை மிளகாயுடன் கடைந்த மோரில் சேர்க்கவும்.

பிறகு வெந்த நெல்லிகாயை ஆறவைத்து ஒன்றிரண்டாக உதிர்த்துக் கொள்ளவும். தாளித்த மோரில் இவற்றை சேர்த்து நன்கு கலந்து விடவும். உப்பு போதுமா என்று சரி பார்த்துக் கொள்ளவும். ஆறியவுடன் ஒரு பாட்டிலுக்கு மாற்றி பிரிட்ஜில் வைத்துக்கொள்ளவும். தேவையானபோது சாம்பார், ரசம் சாதம், மோர் சாதத்திற்கு தொட்டுக் கொள்ள சூப்பராக இருக்கும். மேலும் இதிலுள்ள மோரை இட்லி, தோசை மற்றும் சப்பாத்திக்கு தொட்டுக் கொண்டு சாப்பிடலாம் வித்தியாசமான சுவையாக இருக்கும்.

இந்த நெல்லிடை மோர் உடல்நலத்திற்கு மிகவும் நல்லது.