முதலில் தேவையான பொருட்கள் அனைத்தையும் தயாராக எடுத்து வைக்கவும்.. ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் சின்ன வெங்காயம் பூண்டு இஞ்சி வரமிளகாய் சேர்த்து நன்றாக வதக்கவும். பின்னர் கொத்தமல்லி சீரகம் மிளகு சோம்பு சேர்த்து நன்றாக வதக்கவும். தக்காளி மற்றும் தேங்காய் துண்டுகள் சேர்த்து நன்றாக வதக்கவும்.. மஞ்சள் தூள் மற்றும் தேவையான அளவு உப்பு சேர்த்து நன்றாக ஆறியதும் மிக்ஸியில் போட்டு நன்றாக அரைத்து வைத்துக் கொள்ளவும்.

ஒரு குக்கரில் ஒரு டீஸ்பூன் எண்ணெய் விட்டு காய்ந்ததும் அதில் கடுகு போட்டு தாளித்து பட்டர் பீன்ஸ் சேர்த்து வதக்கவும்.ஒரு டம்ளர் தண்ணீர் விட்டு 3-4 விசில் விட்டு வேக விடவும்.பின்னர் அதில் அரைத்த கலவையை சேர்த்து நன்றாக வதக்கவும்.. நறுக்கிய கத்தரிக்காய் சேர்த்து வேக விடவும். தேவையான அளவு உப்பு தண்ணீர் சேர்த்து நன்றாக கலந்து கொள்ளவும்.5-7 நிமிடங்கள் கழித்து கத்தரிக்காய் வெந்து குழம்பு பதத்தில் கொத்தமல்லி இலை தூவி இறக்கவும். சூடான சுவையான மட்டன் குழம்பு சுவையில் பட்டர் பீன்ஸ் கத்தரிக்காய் குழம்பு ரெடி