முட்டைகோஸ் குருமா (Muttaikosh kuruma recipe in tamil)

1/4 கிலோ முட்டைகோஸ் கழுவி பொடியாக நறுக்கி கொதிக்கும் தண்ணீரில் போட்டு வடித்து வைக்கவும்.

பச்சை மிளகாய் 3, சோம்பு 1 டீஸ்பூன்,தனியா தூள் 1 டீஸ்பூன்,பூண்டு 2 பல், தேங்காய் துருவல் 1 கப், பொட்டுக்கடலை 2 டீஸ்பூன் மிக்ஸி ஜாரில் சேர்த்து நைசாக அரைத்து வைக்கவும்.

பெரிய வெங்காயம் 1 பொடியாக நறுக்கி வைக்கவும்.தக்காளி 2 பொடியாக நறுக்கி வைக்கவும். தாளிக்க பட்டை 1,கிராம்பு 2, ஏலக்காய் 1,கறிவேப்பிலை சிறிது எடுத்து வைக்கவும். கடாயில் ஆயில் 3 டீஸ்பூன் விட்டு பட்டை, கிராம்பு ஏலக்காய், கறிவேப்பிலை தாளித்து நறுக்கிய வெங்காயம் சேர்த்து வதக்கவும்.

வடித்து வைத்த முட்டைகோஸ் சேர்க்கவும்.நன்கு வதக்கி நறுக்கிய தக்காளி உப்பு சேர்த்து 2 நிமிடம் வதக்கி தண்ணீர் 1/2 கப் சேர்த்து வேக விடவும்.

வெந்தவுடன் மிக்ஸியில் அரைத்த மசாலாவை சேர்த்து கலக்கி பச்சை வாசனை போகும் வரை கொதிக்க விடவும்.

கொதித்தவுடன் இறக்கி கிண்ணத்தில் மாற்றி வைக்கவும்.சுவையான கோஸ் குருமா ரெடி.சப்பாத்தி பரோட்டாவிற்கு ஏற்றது.சுவை சூப்பர்.நான் கோஸ் குருமா சப்பாத்தி செய்தேன்.👌.😋😋