உருளைக்கிழங்கு பொடிமாஸ் (Urulaikilanku podimass recipe in tamil)

முதலில் நான்கு உருளைக்கிழங்கை கழுவி நீளவாக்கில் நான்காக அரிந்து கொள்ளவும்.அரிந்த உருளைக்கிழங்கை குக்கரில் தண்ணீர் சேர்த்து நான்கு சவுண்ட் விட்டுக் கொள்ளவும். வேக வைத்து தண்ணீர் வடித்து கொள்ளவும். மீடியம் சைஸ் பெரிய வெங்காயம்,6 பச்சை மிளகாய் ஒரு கைப்பிடி கறிவேப்பிலை ஒரு கைப்பிடி கொத்தமல்லி தழை இவை எல்லாவற்றையும் பொடியாக அரிந்து கொள்ளவும்.

வேக வைத்த உருளைக்கிழங்கின் தோலை உரித்து நன்கு உதிர்த்துக் கொள்ளவும். இப்போது ஒரு வாணலியில் ரெண்டு ஸ்பூன் எண்ணெய் விட்டு சூடானதும்அதில் ஒரு ஸ்பூன் கடுகு அரை டீஸ்பூன் உளுத்தம்பருப்பு அரை டீஸ்பூன் கடலைப்பருப்பு அரை ஸ்பூன் பெருங்காயத்தூள் சேர்த்து சிவக்க விட்டு பின்பு பொடியாக நறுக்கிய வெங்காயத்தை சேர்த்து நன்கு வதக்கவும. பிறகு மசித்த உருளைக்கிழங்கை அதில் சேர்க்கவும்.நன்கு பிரட்டி விடவும்.

உருளைக்கிழங்கு சூடு ஏறியவுடன் பிறகு அதில் கொத்தமல்லி கருவேப்பிலை சேர்த்து இரண்டு மூன்று முறை நன்கு பிரட்டி விட்டு சூடேற்றவும். சுவையான உருளைக்கிழங்கு பொடிமாஸ் ரெடி. குழந்தைகளுக்கு மிகவும் பிடிக்கும்.