உருளைக்கிழங்கு குருமா (Urulaikilanku kurma recipe in tamil)

மிக்ஸியில் தேங்காய், முந்திரி பருப்பு, கிராம்பு, 1/2ஸ்பூன் சோம்பு, பச்சை மிளகாய் சேர்த்து சிறிதளவு தண்ணீர் ஊற்றி நன்கு பேஸ்ட் போல் அரைத்து வைத்துக் கொள்ளவும். உருளைக்கிழங்கு தோள் சீவி சிறு துண்டுகளாக நறுக்கி கொள்ளவும். 8 மணி நேரம் பட்டாணியை தண்ணீரில் ஊற வைத்து எடுத்து கொள்ளவும்.

குக்கரில் எண்ணெய், நெய் ஊற்றி காய்ந்ததும் 1/2ஸ்பூன் சோம்பு, பிரியாணி இலை, கல்பாசி சேர்த்து தாளித்து கறிவேப்பிலை சேர்த்து வெங்காயம் நீளமாக நறுக்கி இஞ்சி பூண்டு விழுது சேர்த்து பொன்னிறமாக வதக்கவும். பிறகு தக்காளி, மஞ்சள் தூள், உப்பு சேர்த்து வதக்கவும்.

பிறகு மிளகாய்த்தூள் சேர்த்து வதக்கி உருளைக்கிழங்கு, பட்டாணி சேர்த்து கிளறி அரைத்த தேங்காய் பேஸ்ட் சேர்த்து தேவையான அளவு தண்ணீர் ஊற்றி உப்பு, காரம் சரிபார்த்து கொள்ளவும். கொத்தமல்லி, கறிவேப்பிலை சேர்த்து குக்கரை மூடி வைத்து 2 விசில் விட்டு இறக்கவும். பூரியுடன் சாப்பிட சுவையாக இருக்கும். நன்றி