இரண்டு டம்ளர் இட்லி அரிசியை கழுவி தயிரில் ஊற வைக்கவும். தனியாக கடலைப்பருப்பு 4ஸ்பூன் ஊற வைக்கவும். மூன்று மணி நேரம் நன்கு ஊறியதும் அரிசி காரத்திற்கு தேவையான வரமிளகாய், தேவையான உப்பு,ஒரு சிட்டிகை பெருங்காயம் போட்டு துருவிய அரை மூடி தேங்காய் சேர்த்து கிரைண்டரில் மைய கெட்டியாக அரைக்கவும்

அரைத்த மாவு நன்கு கெட்டியாக இருக்க வேண்டும்.ஊறிய கடலைப்பருப்பை மாவுடன் சேர்த்து பிசையவும்.அடுப்பில் எண்ணெயை காய வைக்கவும் மாவை சிறு சிறு உருண்டைகளாக எடுத்து வைக்கவும். கையில் எண்ணெய் தடவி மாவை தட்டி நடுவில் துளையிட்டு எண்ணையில் போட்டு சிம்மில் வைத்து சுட்டு எடுக்கவும். மேலே கிரிஸ்பி ஆகவும் உள்ளே பஞ்சு போன்றும் புளிப்பு சுவையான மோர் வடை தயார். நீங்களும் செய்து பாருங்கள். தயிர் அளவாக புளிப்பு இருக்க வேண்டும்.