பாலக் கீரையை சுத்தம் செய்து இரண்டு முறை அலசி உப்பு நீரில் போட்டு வைக்கவும். சின்ன வெங்காயம் 8 உரித்து வைக்கவும். வர மிளகாய் இரண்டு, கால் டீஸ்பூன் சீரகம் கால் ஸ்பூன் மிளகு எடுத்து வைக்கவும். ஒரு பாத்திரத்தில் கீரையை பிழிந்து போட்டு உப்பு மஞ்சள் தூள் சின்ன வெங்காயம் ஒரு தக்காளி பொடியாக நறுக்கி போட்டு இரண்டு வர மிளகாய் கால் டீஸ்பூன் மிளகு ஜீரகம் சேர்த்து தேவையான நீர் விட்டு வேக வைக்கவும்.

கீரை வெந்ததும் நீரை வடித்து எடுத்து விட்டு மிக்ஸி ஜாரில் போட்டு மைய அரைக்கவும்.பாத்திரத்தில் மாற்றி 2 ஸ்பூன் கரைத்த புளி விடவும். கீரை வெந்த நீரை அதனுடன் கலந்து விடவும்.ஒரு கை கரண்டியில் 2 ஸ்பூன் எண்ணெய் விட்டு கீரை வடகம் 1 தட்டிப் போட்டு தாளிக்கவும் வடகம் இல்லை எனில் கடுகு அரை ஸ்பூன் உளுந்து அரை ஸ்பூன் 2 பல் பூண்டு தட்டிப் போட்டு தாளிக்கவும் அடுப்பில் சிம்மில் வைத்து லேசாக சூடு செய்து இறக்கவும்.அருமையான பாலக் கீரை தக்காளி கடையல் தயார். குழந்தைகளுக்கும் சாதத்தில் பிசைந்து கொடுக்கலாம்.