15 சின்னவெங்காயத்தை தோல் உரித்துக் கொள்ளவும். நான்கு தக்காளியை பொடியாக அரிந்து கொள்ளவும். 4 பச்சை மிளகாயை எடுத்துக் கொள்ளவும்.8 பல் பூண்டு உரித்துக் கொள்ளவும். ஒரு வாணலியில் இரண்டு ஸ்பூன் எண்ணெய் சேர்த்து அதில் ஒரு ஸ்பூன் கடுகு அரை ஸ்பூன் உளுத்தம் பருப்பு அரை ஸ்பூன் கடலைப்பருப்பு இரண்டு வரமிளகாய் சேர்த்து சிவக்க விடவும் பின்பு 8 பல்பூண்டு சேர்த்து வதக்கவும். லேசாக வதங்கியவுடன் சிறிய வெங்காயத்தை சேர்த்து வதக்கவும்.

லேசாக சிறிய வெங்காயம் வதங்கிய பின்பு ஒரு நிமிடம்தக்காளி சேர்த்து வதக்கவும்.அரை ஸ்பூன் மஞ்சள்தூள் சேர்த்துக் கொள்ளவும். உப்பு தேவையான அளவு சேர்த்துக் கொள்ளவும். கொஞ்சமாக தண்ணீர் சேர்த்து மூடி வைத்து வேக விடவும்.

வெந்தவுடன் சூடாக இருக்கும் பொழுதே மத்து கொண்டு நன்கு கடைந்து கொள்ளவும். கொத்தமல்லி தழை சேர்த்துக் கொள்ளவும். தக்காளி கடைசல் தயார். இட்லி, தோசை, சப்பாத்திக்கு தொட்டு சாப்பிட சுவையாக இருக்கும். சாதத்தில் பிசைந்து சாப்பிடலாம். தயிர் சாதத்துக்கு தொட்டுக் கொண்டு சாப்பிடலாம்.