சுரைக்காய் பருப்பு சாம்பார்

ஒரு கப் (100 கிராம் அளவு) துவரம் பருப்பை தண்ணீர் சேர்த்து குக்கரில் கால் ஸ்பூன் மஞ்சள் தூள்,கால் ஸ்பூன் விளக்கெண்ணெய் சேர்த்து வேக வைத்து எடுத்து வைத்துக் கொள்ளவும். ஒரு எலுமிச்சை அளவு புளியை ஊறவைத்துக் கொள்ளவும். ஒரு கப் அளவிற்கு சுரைக்காயை துண்டுகளாக அரிந்து கொள்ளவும். தக்காளி ஒன்று, பத்து சிறிய வெங்காயத்தை அரிந்து கொள்ளவும்.

ஒரு வாணலியில் 2 ஸ்பூன் எண்ணெய் சேர்த்து அதில் அரை ஸ்பூன் கடுகு,,அரை ஸ்பூன் உளுத்தம் பருப்பு, இரண்டு வரமிளகாய்,அரை ஸ்பூன் பெருங்காயத்தூள் கொஞ்சம் கருவேப்பிலை சேர்த்து தாளிக்கவும். அதில் பொடியாக அறிந்த சுரைக்காய் சேர்த்து ஒரு நிமிடம் வதக்கவும். வெங்காயம் தக்காளி சேர்த்து வதக்கவும்.

காய்கறியுடன் 3 ஸ்பூன் சாம்பார் தூள் தேவையான உப்பு சேர்த்து வதக்கவும்.வேகவைத்த பருப்பை வதக்கிய காய்கறிகளுடன் சேர்த்து தேவையான அளவு தண்ணீர் சேர்த்து வேகவிடவும். புளியை கரைத்து குழம்பில் சேர்க்கவும். நன்கு கொதித்தவுடன் தேவை என்றால் தேங்காய்ப்பூ சேர்த்து கலந்து விடவும். கடைசியாக கொத்தமல்லி தழை சேர்க்கவும். சுரைக்காய் பருப்பு சாம்பார் தயார்.