முதலில் புடலங்காயை பொடியாக அரிந்து கொள்ளவும். 10 பல் பூண்டை தோல் உரித்து வைத்துக் கொள்ளவும். 100 கிராம் கடலைப் பருப்பை குக்கரில் தண்ணீர் சேர்த்து நான்கு சவுண்டு விட்டு வேக வைத்துக் கொள்ளவும். ஒரு வாணலியில் 1/2 ஸ்பூன் எண்ணெய் சேர்த்து பூண்டை லேசாக வதக்கி கொள்ளவும்.

இப்போது வேகவைத்த கடலைப் பருப்புடன் பொடியாக அறிந்த புடலங்காய்,வதக்கி வைத்த பூண்டு, 3 ஸ்பூன் சாம்பார் தூள், கால் ஸ்பூன் மஞ்சள் தூள், மற்றும் தேவையான அளவு உப்பு சேர்த்து காய் மூழ்கும் அளவிற்கு தண்ணீர் சேர்த்து நன்கு வேகவைக்கவும்.

ஒரு ஸ்பூன் எண்ணெயில், ஒரு ஸ்பூன் கடுகு சேர்த்து பொரிய வைத்து அதில் அரை ஸ்பூன் உளுத்தம் பருப்பு, கால் ஸ்பூன் பெருங்காயத்தூள், 2 கிள்ளிய வரமிளகாய், கறிவேப்பிலை சேர்த்து தாளித்துக் கொள்ளவும். இவற்றை வேகவைத்த காயில் சேர்த்து கொள்ளவும். இரண்டு ஸ்பூன் தேங்காய் துருவல் சேர்த்துக் கொள்ளவும். பொடியாக அரிந்த கொத்தமல்லித் சேர்த்து கொள்ளவும். எல்லாவற்றிலும் கலந்து நன்கு சூடு படுத்தவும். சுவையான கடலைப்பருப்பு புடலங்காய் கூட்டு தயார். சாதத்தில் சேர்த்து சாப்பிடலாம். சப்பாத்தியுடன் தொட்டுக் கொண்டு சாப்பிடலாம்.