2 மீடியம் அளவு பீட்ரூட்டை படத்தில் காட்டியபடி பொடியாக அரிந்து கொள்ளவும்.4 வர மிளகாயை கிள்ளி வைத்து கொள்ளவும்.1 ஸ்பூன் எண்ணெய்,1 ஸ்பூன் கடுகு,1/2 ஸ்பூன் உளுத்தம் பருப்பு 1/2 ஸ்பூன் கடலை பருப்பு 3 ஸ்பூன் தேங்காய் துருவல், உப்பு தேவையான அளவு எடுத்து கொள்ளவும்.

இப்போது தேவையான அளவு தண்ணீர்,உப்பு சேர்த்து பீட்ரூட்டை குக்கரில் 2 சவுண்ட் விட்டு வேக விடவும். தண்ணீர் இருந்தால் வடிக்கமல் திறந்து வைத்து தண்ணீரை சுண்ட விடவும்.பிறகு ஒரு தாளிக்கும் கரண்டியில் ஒரு ஸ்பூன் எண்ணெய் விட்டு காய்ந்ததும் கடுகு உளுத்தம்பருப்பு கடலைப்பருப்பு, கருவேப்பிலை சேர்த்து தாளித்து காயில் சேர்த்து கிறவும். நன்கு கிளறி பின் தேங்காய் துரவலையும் சேர்க்கவும்.

நன்கு கிளறி விடவும். கொத்தமல்லி தழை சிறிதளவு சேர்க்கவும்.சுவையான சத்தான ஹோட்டல் ஸ்டைல் பீட்ரூட் பொரியல் ரெடி. சாதத்தில் பிசைந்து சாப்பிடலாம். சுவையாக இருக்கும்.