ஒரு கப் துவரம்பருப்பை கால் ஸ்பூன் விளக்கெண்ணெய் கால் ஸ்பூன் மஞ்சள் தூள் சேர்த்து பிரஷர் குக்கரில் ஐந்து சவுண்டு விட்டு வேக வைத்துக் கொள்ளவும். அவரைக்காயை அ ரிந்து வைத்துக் கொள்ளவும். வெங்காயம் தோலுரித்து, தக்காளியை அரிந்து கொள்ளவும். ஒரு பச்சை மிளகாயைக் கீறி வைத்துக் கொள்ளவும். புளியை ஊறவைத்து கரைத்து வைத்துக் கொள்ளவும். ஒரு ஸ்பூன் தேங்காய் துருவல் எடுத்து வைத்துக் கொள்ளவும்.

வாணலியில் எண்ணெய் சேர்த்து பச்சை மிளகாய்,வெங்காயத்தை வதக்கிக் கொள்ளவும். கொஞ்சம் தண்ணீர் சேர்த்து சாம்பார் தூள் உப்பு சேர்த்து கொள்ளவும். கலந்து விட்டு,பிறகு அறிந்து அவரைக்காய் சேர்த்துக் கொள்ளவும். காயை வேக விடவும். வெந்த பிறகு அதில் வேக வைத்த பருப்பை சேர்த்து தக்காளியும் சேர்த்து கொள்ளவும். தக்காளி கொஞ்சம் வேகும் வரை மூடி வைக்கவும்.

இப்போது கரைத்து வைத்த புளியை குழம்பில் சேர்க்கவும். புளியின் பச்சை வாசம் போகும் வரை கொதிக்க விடவும். தாளிப்பு பொருட்களை சேர்த்து தாளித்து குழம்பில் சேர்க்கவும். கடைசியாக பொடியாக நறுக்கிய கொத்தமல்லி தழை, ஒரு ஸ்பூன் தேங்காய் துருவல் சேர்த்துக் கொள்ளவும். சுவையான அவரைக்காய் சாம்பார் தயார்