பொரிச்ச கோழி மிளகு குழம்பு

கோழியை நன்றாக கழுவி ஒரு பாத்திரத்தில் எடுத்துக்கொள்ளவும் இதனுடன் மிளகாய்த்தூள் தனியாத்தூள் கரம் மசாலா மஞ்சள் தூள் உப்பு எலுமிச்சை சாறு கலந்து 30 நிமிடம் ஊற வைக்கவும்

பிறகு ஒரு வாணலியில் எண்ணெய் ஊற்றி மிளகு சீரகம் சோம்பை 2 நிமிடம் வதக்கவும் பிறகு அதில் சின்ன வெங்காயம் சேர்த்து வெங்காயத்தை நன்றாக வதக்கவும் வெங்காயம் வதங்கிய பின் தேங்காய் துருவல் சேர்த்து ஒரு நிமிடம் வதக்கி ஆறிய பின் மிக்ஸியில் மையாக அரைத்துக் கொள்ளவும்

ஒரு கடாயில் எண்ணெய் விட்டு எண்ணெய் சூடானதும் மிதமான தீயில் ஊறவைத்த கோழியை பொரித்தெடுக்கவும்

மண்பானையில் சிறிது எண்ணெய் விட்டு பட்டை லவங்கம் நறுக்கிய வெங்காயத்தையும் சேர்த்து நன்றாக வதக்கவும் வெங்காயம் வதங்கிய பின் இஞ்சி பூண்டு விழுது சேர்த்து பச்சை வாசனை போக வதக்கவும் பிறகு அரைத்து வைத்த மசாலாவை சேர்த்து எண்ணெய் பிரியும் வரை நன்றாக வதக்கவும்

எண்ணெய் நன்றாக பிரிந்து வந்த பிறகு அரைத்த தக்காளி விழுது சேர்த்து எண்ணெய் பிரியும் வரை வதக்கவும் பிறகு இதில் பொரித்த கோழியை சேர்க்கவும்

பொரித்த கோழியை மசாலாவுடன் சேரும் வரை நன்றாக கிளரவும்.. பிறகு இதில் உப்பு சேர்த்து ஒருமுறை நன்றாக கிளறவும்

பிறகு இதில் ஒன்றரை கப் அளவு தண்ணீர் ஊற்றி கொதிக்கவிடவும் கொதி வந்த பிறகு அடுப்பை குறைந்த தீயில் வைத்து மூடி போட்டு 10 நிமிடம் வைக்கவும்

குழம்பு கெட்டியாகி எண்ணெய் பிரிந்து வரும் பொழுது அடுப்பை அணைத்து கருவேப்பிலை கொத்தமல்லி தூவி பரிமாறவும்