வெள்ளை கொண்டைக்கடலையை கழுவி 8 மணி நேரம் ஊறவைத்து பிறகு குக்கரில் 4 விசில் விட்டு வேகவிடவும். பெரிய வெங்காயம் 1 தோல் நீக்கி கழுவி பொடியாக நறுக்கி வைக்கவும். பச்சை மிளகாய் 1 விதை நீக்கி கழுவி பொடியாக நறுக்கி வைக்கவும்.

மிக்ஸி ஜாரில் 3 பல் பூண்டு 1துண்டு இஞ்சி,2 பச்சை மிளகாய்,2 டேபிள்ஸ்பூன் தேங்காய் துருவல் 1 கைப்பிடி கொத்தமல்லித்தழை, சிறிது கறிவேப்பிலை சேர்த்து நைசாக அரைத்து வைக்கவும்.

கடாயில் 3 டீஸ்பூன் ஆயில் விட்டு 1டீஸ்பூன் கடுகு, 1 டீஸ்பூன் உளுந்து பருப்பு,1 டீஸ்பூன் கடலை பருப்பு, 1 வரமிளகாய் கிள்ளியது, 2 சிட்டிகை பெருங்காயத்தூள் தாளித்து, பொடியாக நறுக்கிய பச்சை மிளகாய் வெங்காயம் சேர்த்து வதக்கி மிக்ஸி ஜாரில் அரைத்த விழுதை ஊற்றி வதக்கவும்.

ஊற்றிய மசாலா சுருண்டு வரும் பொழுது வேக வைத்த வெள்ளை கொண்டைக் கடலையையும் உப்பும் சேர்த்து கலக்கி விடவும். சுவையான சன்னா சுண்டல் ரெடி😄😄