முதலில் ஒரு டம்ளர் பச்சரிசியை நன்கு கழுவி அரை மணி நேரம் ஊறவைத்து தண்ணீர் வடித்து பிறகு நிழலில் நன்றாக காய வைத்துக்கொள்ளவும் கையில் பிடித்தால் கையில் ஒட்டக் கூடாது அந்த அளவிற்கு காய வைக்கவும்

கால் டம்ளர் துவரம்பருப்பு, ஒரு ஸ்பூன் மிளகு, ஒரு ஸ்பூன் சீரகம், இவற்றை எடுத்து வைத்துக் கொள்ளவும். காய வைத்த அரிசியை துவரம் பருப்புடன் மிக்ஸியில் கரகரப்பாக ஒட்டிக்கொள்ளவும். பிறகு ஒரு ஸ்பூன் மிளகு, ஒரு ஸ்பூன் சீரகத்தை சேர்த்து ஒரு சுற்று சுற்றிக் கொள்ளவும். இந்த கலவையை தட்டில் மாற்றி வைத்துக் கொள்ளவும். இதனுடன் மீதி அரை ஸ்பூன் மிளகை முழுதாக சேர்த்துக் கொள்ளவும். ஒரு மூடி தேங்காய் துருவி வைத்துக்கொள்ளவும் ஒரு கப் அளவிற்கு.

இப்போது ஒரு வானலியில் மூன்று ஸ்பூன் நல்லெண்ணெய் ஒரு ஸ்பூன் சமையல் எண்ணெய் சேர்த்து சூடுபடுத்தவும். அதில் ஒரு ஸ்பூன் கடுகு ஒரு ஸ்பூன் கடலைப்பருப்பு ஒரு ஸ்பூன் உளு.பருப்பு,4 வரமிளகாய் ஒரு பச்சை மிளகாய் பெருங்காயத் தூள் அரை ஸ்பூன், கொஞ்சம் கறிவேப்பிலை சேர்த்து தாளித்துக் கொள்ளவும். இதில் இரண்டே முக்கால் அளவிற்கு தண்ணீர் சேர்த்து உப்பு சேர்த்து கொள்ளவும். துருவிய தேங்காயை அதில் கொட்டி விடவும். நன்கு கொதிக்க ஆரம்பிக்கும். இப்பொது அரைத்த அரிசியைக் கொட்டி நன்கு கிளறி விடவும் கட்டியில்லாமல்.

கலவை கெட்டியான பிறகு அடுப்பை நிறுத்தி விடவும். இதை வேறு ஒரு பாத்திரத்திற்கு மாற்ற. ஒரு குக்கரில் தண்ணீர் சேர்த்து அதில் ஸ்டாண்ட் வைத்து பாத்திரத்திற்கு மாற்றிய அரிசிமாவை அதில் வைத்து ஒரு தட்டு வைத்து மூடவும். குக்கரை மூடி விசில் சேர்க்கவும். மூன்று விசில் விட்டு சிம்மில் 5 நிமிடம் வைத்து அடுப்பை அணைத்து விடவும். ஆவி அடங்கியவுடன் பாத்திரத்தை எடுத்து ஏற்கனவே வதக்கிய வானலியில் உப்புமாவை அதில் கொட்டி நன்கு ஒரு முறை கிளறிக் கொள்ளவும். உப்புமா நன்கு பொலபொலவென்று இருக்கும்.