முதலில் கடலைப் பருப்பு, பாசிப்பருப்பு, நறுக்கிய புடலங்காய், 1/2சீரகம், 1டம்ளர் தண்ணீர், மஞ்சள் தூள் ஆகியவற்றை ஒன்றாக சேர்த்து நன்றாக வேகவைத்து எடுத்து கொள்ளவும். (குக்கரில் வேகவைத்தால் முதலில் பருப்பு வகை மற்றும் சீரகம் பருப்பு மூழ்கும் அளவு தண்ணீர் சேர்த்து அதன் மேல் நறுக்கிய புடலங்காய் சேர்த்து 2விசில் வரும் வரை வேக விட்டு இறக்கவும். புடலங்காய் சேர்த்த உடன் கிளறி வேக வைக்க கூடாது. புடலங்காய் பருப்பின் மேல் பக்கம் மட்டுமே இருக்க வேண்டும். இல்லை எனில் புடலங்காய் குழைந்து விடும்).

தேங்காய், பச்சை மிளகாய், 1ஸ்பூன் சீரகம், 4சின்ன வெங்காயம், அரிசி மாவு, பெருங்காயத் தூள், உப்பு ஆகியவற்றை ஒன்றாக சேர்த்து கொர கொரப்பாக அரைத்து எடுத்து கொள்ளவும். பின்னர் வேக வைத்து எடுத்த புடலங்காய் உடன் அரைத்த தேங்காய் விழுதை சேர்த்து 5நிமிடம் கொதிக்க விடவும். பின்னர் 2 ஸ்பூன் தேங்காய் எண்ணெய்யில் கடுகு, உளுந்து, கருவேப்பிலை ஆகியவற்றை சேர்த்து தாளித்து புடலங்காய் கூட்டில் சேர்த்து இறக்கவும். சுவையான ஹோட்டல் ஸ்டைல் புடலங்காய் கூட்டு தயார்.