வாழைப் பழத்தை இரண்டாக வெட்டி இட்லி பானையில் வைத்து 5 நிமிடம் மிதமான தீயில் வேக வைக்கவும்... வாழைப்பழம் வெந்தவுடன் அதை தோல் நீக்கி நன்றாக மசித்துக்கொள்ளவும்

பிறகு இதில் அரிசி மாவு தேசிக்கேட்டர் கோக்கனட் (இல்லையெனில் துருவிய தேங்காயை நன்றாக வறுத்து ஈரமில்லாமல் சேர்த்துக் கொள்ளவும்) நன்றாக பிசைந்து கொள்ளவும்... இது பார்ப்பதற்கு மிருதுவாகவும் கெட்டியாகவும் இருக்க வேண்டும்

ஒரு வாணலியில் நெய் விட்டு சூடாக்கி தேசிக்கேட்டர் கோக்கனடை சேர்த்து நன்றாக இரண்டு நிமிடம் மிதமான தீயில் வறுத்து கொள்ளவும் (இல்லையெனில் துருவிய தேங்காயை சேர்த்து என்றால் 5-7 நிமிடம் வரை மிதமான தீயில் ஈரமில்லாமல் வறுத்துக் கொள்ளவும்)

பிறகு இதில் கண்டென்ஸ்டு மில்க் சேர்த்து ஒரு நிமிடம் நன்றாக வதக்கவும் ஒரு நிமிடத்திற்கு பிறகு வாணலியில் ஒட்டாமல் கெட்டியாகி வரும் போது அடுப்பை அணைக்கவும்

கொழுக்கட்டை ஆற்றில் நெய் தடவி செய்து வைத்திருக்கும் வாழைப்பழக் அளவில் வைத்து நன்றாக அழுத்தவும் பிறகு தேங்காய் கலவையை வைக்கவும்

அதே மாவை கொண்டு மேலே மூடி மெதுவாக திறக்கவும்

மற்றொரு முறையாக சிறிது மாவை எடுத்து தட்டையாக தட்டி அதனுள் தேங்காய் கலவையை வைத்து உருண்டையாக உருட்டிக் கொள்ளவும்

ஒரு பாத்திரத்தில் தண்ணீர் ஊற்றி ஸ்டாண்ட் வைத்து அதன் மேல் தட்டை வைக்கவும் பிறகு ஒரு கப் அல்லது இட்லி தட்டில் தயாரித்து வைத்த உருண்டைகளை வைத்து மூடி மிதமான தீயில் 5 நிமிடம் வேக வைக்கவும்

சுவையான வாழைப்பழ கொழுக்கட்டை தயார்