வாழைத் தண்டை வட்டவட்டமாக நறுக்கி குக்கரில் போட்டு ஒரு விசில் விட்டு வேக வைத்து எடுத்துக் கொள்ளவும்

அடுப்பில் ஒரு கடாயை வைத்து சூடு ஏறியவுடன் இரண்டு ஸ்பூன் கடலை பருப்பை போட்டு வறுத்து ஆற வைத்து மிக்ஸி ஜாரில் போட்டு பவுடராக அரைத்துக் கொள்ளவும்.

பிறகு அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் சோம்பு, பட்டை, கசகசா போட்டு தாளிக்கவும். பிறகு வரமிளகாய், பச்சைமிளகாய் போட்டு தாளிக்கவும்.

பிறகு இரண்டு ஸ்பூன் பொட்டுக்கடலைபோட்டு தாளிக்கவும். பிறகு 5 பல் பூண்டு,10 சின்ன வெங்காயம் போட்டு வதக்கவும். வெங்காயம் வதங்கியதும் 3 ஸ்பூன் தேங்காய் துருவலைப் போட்டு நன்றாக வதக்கவும்.

எல்லாம் நன்றாக வதங்கியதும் அவற்றை ஆறவைத்து ஒரு மிக்ஸி ஜாரில் போட்டு கொர கொரப்பாக அரைக்கவும்.

பிறகு அதே மிக்ஸி ஜாரில் வேக வைத்த வாழைத்தண்டை தண்ணீர் பிழிந்துவிட்டு இரண்டையும் சேர்த்து கொரகொரப்பாக அரைத்து ஒரு பாத்திரத்தில் மாற்றிக் கொள்ளவும்.

பிறகு அந்த மாவில் அரை ஸ்பூன் உப்பு போட்டு பிசையவும். பிறகு வறுத்த கடலைப்பருப்பு பவுடரை அதில் போட்டு பிசையவும். பிறகு கொத்தமல்லி கறிவேப்பிலையை போட்டு நன்றாக பிசையவும்.

பிசைந்த மாவை உருண்டைகளாக உருட்டி வைத்துக் கொள்ளவும் பிறகு அடுப்பில் ஒரு கடாயை வைத்து பொரிக்கத் தேவையான அளவு எண்ணெய் ஊற்றி எண்ணெய் சூடானதும் கோலா உருண்டைகளை அதில் போட்டு வேகவிடவும்.ஒரு பக்கம் வெந்தவுடன் மறுபக்கம் திருப்பி போட்டு பொரித்தெடுக்கவும்..