முதலில் தேவையான பொருட்கள் அனைத்தையும் தயாராக எடுத்து வைக்கவும்.. கோதுமை மாவு, தேவையான அளவு உப்பு, தண்ணீர் சேர்த்து நன்றாக கலந்து சப்பாத்தி மாவு பதத்திற்கு பிசைந்து கொள்ளவும். மாவை 15-20 நிமிடங்கள் ஊறவைத்து கொள்ளவும். ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் நறுக்கிய பூண்டு, இஞ்சி சேர்த்து நன்றாக வதக்கவும்.பின் பெரிய வெங்காயம் சேர்த்து வதக்கவும். பின்னர் நறுக்கிய காய்கறிகள் சேர்த்து நன்றாக வதக்கவும்.

தண்ணீர் எதுவும் சேர்க்காமல் நன்றாக வதக்கவும்..3-5 நிமிடங்கள் வேகவிடவும்.இப்போது மோமோஸ் ஸ்டப்பிங் ரெடி.. இப்போது பிசைந்த மாவை சிறு உருண்டைகளாக உருட்டி சிறிய வட்ட வடிவில் தேய்த்து வைக்கவும்.. அதில் ஒரு டீஸ்பூன் காய்கறிகள் கலவை எடுத்து தேய்த்த மாவின் நடுவில் வைத்து, படத்தில் காட்டியபடி மடித்துக் கொள்ளவும்.

பின்னர் மாவின் நுனியில் அழுத்தி பிடித்து மெதுவாக திருகினால் படத்தில் காட்டியபடி மோமோஸ் ரெடி ஆகிவிடவும். இதை இட்லி தட்டில் வைத்து ஆவியில் 7-10 நிமிடங்கள் வேகவிடவும். இப்போது சூடான சுவையான குட்டீஸ் விரும்பி சாப்பிடும் வீட் வெஜ் மோமோஸ் ரெடி. இதை தக்காளி சில்லி சாஸ் வைத்து பரிமாறவும். நன்றி ஹேமலதா கதிர்வேல். கோவை பாசக்கார பெண்கள்.