20 சிறிய வெங்காயம் முழுதாக உரித்து கொள்ளவும். இரண்டு சிறிய அளவு தக்காளியை பொடியாக அரிந்து கொள்ளவும். சுரைக்காயை தோல் நீக்கி 2 கப் அளவிற்கு அரிந்து வைத்துக் கொள்ளவும். 1/4 கப் தேங்காய் துருவலில் ஒரு இன்ச் பட்டை மற்றும் மூன்று கிராம்பு சேர்த்து நைசாக மிக்ஸியில் அரைத்து வைத்துக்கொள்ளவும். புளியை ஊறவைத்து ஒரு கப் அளவிற்கு தண்ணீராக கரைத்துக் கொள்ளவும். 3 ஸ்பூன் சாம்பார் தூள் அரை ஸ்பூன் மஞ்சள் தூள் தாளிக்க கடுகு உளுத்தம் பருப்பு மற்றும் பெருங்காயத்தூள் நல்லெண்ணெய் எடுத்து வைக்கவும்.

ஒரு வாணலியில் நல்லெண்ணெய் சேர்த்து அதில் கடுகு, உளுத்தம் பருப்பு, சீரகம், மற்றும் உளுத்தம் பருப்பு, இரண்டு வரமிளகாய், பெருங்காயத்தூள் சேர்த்து பொரியவிடவும். அதில் வெங்காயம் சேர்த்து 30 செகண்டு வணக்க. பிறகு தக்காளி சேர்க்கவும். இரண்டும் இரண்டு நிமிடம் வதங்கிய பிறகு அரிந்து வைத்த சுரக்காய் சேர்த்து நன்கு வதக்கிக் கொள்ளவும்.காய் நன்கு வதங்கியவுடன் அதில் மஞ்சள் தூள் மற்றும் சாம்பார் தூள்,உப்பு சேர்த்து 2 அல்லது 3 நிமிடம் சாம்பார் தூள் பச்சை வாசம் போகும் வரை வதக்கிக் கொள்ளவும்.

ஆவி அடங்கியவுடன் குக்கரை திறந்து சாதம் வெந்த பாத்திரத்தை வெளியில் எடுக்கவும். மீண்டும் அடுப்பை பற்ற வைத்து பாத்திரத்தை அதில் வைக்கவும்.கரைத்து வைத்த ஒரு கப் புளித் தண்ணீரை சேர்த்து நன்கு கலந்து விட்டு 3 அல்லது 4 நிமிடம் கொதிக்கவிடவும். கடைசியாக பொடியாக அரிந்த கொத்தமல்லித்தழை மற்றும் கொஞ்சம் கருவேப்பிலை சேர்த்து நன்கு கலந்து விடவும். இப்போது 3 ஸ்பூன் நெய் சேர்க்கவும். சூடாக அப்பளம் அல்லது வடகதுடன் பரிமாறவும். சுவையான சுரைக்காய் சாம்பார் சாதம் ரெடி.